“Ўзтемирйўлконтейнер” Ўзбекистондан Литвага мунтазам юк поездлари қатновини йўлга қўйди. Бу ҳақида компания матбуот хизмати хабарига таяниб, Spot.uz хабар бермоқда.
Биринчи поезд 5 декабрь куни Тошкентнинг Сергели станциясидан жўнаб кетди. Поезд 80 та стандарт 20 футлик (6 м) контейнер (минерал ўғитлар билан) сиғимига эга 31 та фитинг платформасидан иборат.
Поезд ўз манзили – Литванинг Драугисте портига етгунига қадар Қозоғистон, Россия ва Беларусь ҳудудларини кесиб ўтади. Маршрутнинг умумий узунлиги 4600 км дан ошади.
Шунингдек ўқинг: Буюк Британия Ўзбекистонга савдо-сотиқ бўйича қўшимча имтиёзлар тақдим этади
Компания вакилларининг айтишича, янги йўлак Ўзбекистон товарларини Европага экспорт қилувчилар орасида талабгир бўлиши кутилмоқда. Мунтазам ташув бизнес учун қулайлик яратади ва вақтни тежаш имконини беради.
Бунгача Ўзбекистон товарларни Туркманистон ва Эрон орқали Туркияга (ва ортга) етказиб беришнинг яна бир йўналишини очган. Ушбу йўналишдаги биринчи поезд Тошкентга 3 декабрь куни етиб келди.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
