Испаниянинг Sakata Seed Ibérica компанияси гуллари ва поялари буткул бинафша рангдаги биринчи брокколи навини тақдим этди. Янги навнинг номи Тириан (Tyrian), деб ёзмоқда SEEDS.
Мазкур янги нав 100% бинафша ранггидан ташқари, агротехник хусусиятлари билан ҳам катта аҳамиятга эга, чунки у тик ўсадиган жуда кучли ўсимликдир.
Сурат манбаси: Sakata Seed Ibérica сайти
“Ўсимликнинг бир хиллиги ҳосил йиғиб олинишини осонлаштиради. Тириан жуда ҳосилдор ҳам бўлиб, уни турли ҳудудларда экиш бутун йил давомида маҳсулот олиш имконини беради«, деди Sakata Seed Ibérica компаниясининг карам турларини ривожлантириш бўлими раҳбари Антонио Ибарра FreshPlazа’га берган интервьюсида.
Брокколининг ушбу нави ёзги ҳосил учун 75 кунлик, қишки ҳосил учун эса 105 кунлик циклга эга. Тириан антоцианларга бой ва юқори антиоксидант фаолликка эга биомолекулалар унга бинафшаранг тус беради, бундай ранг эса табиатда карамда учрайди.
Антоцианлар саратонга қарши хусусиятларга эга ва кўриш қобилияти ҳамда юрак қон-томир тизими учун ҳам фойдалидир.
Ширин таъми, юмшоқ текстураси ва клетчаткаларнинг камлиги Тирианни ошхонада кўп қиррали маҳсулот сифатида ишлатиш имконини беради. Бундан ташқари, унинг ажойиб рангги ва шакли, шунингдек, бозор тенденциялари натижаси, ушбу брокколининг бозорда жуда жозибали маҳсулот сифатида тан олинишини таъминлайди, дейишмоқда испан селекционерлари.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
