Бош саҳифаЯнгиликларТуркияда 2023 йилнинг апрель ойи ўрталарига қадар помидор экспорти чекланди
ДолзарбМахсусЯнгиликлар

Туркияда 2023 йилнинг апрель ойи ўрталарига қадар помидор экспорти чекланди

Туркия Қишлоқ ва ўрмон хўжалиги вазирлиги 2023 йилнинг 14 апрелига қадар помидор экспортини чеклашга қарор қилди.

Вазирлик баёнотида “Сўнгги кунларда Туркияда помидор нархининг аномал ўсиши ва 11 вилоятга тўғридан-тўғри таъсир қилган зилзиланинг даҳшатли оқибатлари туфайли озиқ-овқат хавфсизлигини таъминлаш ва нархларни барқарорлаштириш чораларини кўриш зарурати туғилди» дея қайд этилган.

EastFruit таҳлилчиларининг фикрига кўра, Туркия ҳукумати қабул қилган қарор келаси ҳафтадан бошлаб ушбу маҳсулотнинг Туркиядан импортига боғлиқ мамлакатлардаги иссиқхона помидори бозорига жиддий таъсир кўрсатади. Гап, энг аввало, Украина, Молдова, Грузия, Руминия ва бошқа бир қатор мамлакатлар ҳақида бормоқда, чунки, одатда, март ойида бу бозорларга иссиқхона помидорининг мутлақ кўп қисмини Туркия етказиб беради.

Масалан, иссиқхона сабзавотларини импорт қилувчи украиналиклар келаси ҳафтадан бошлаб, Туркия етказиб берувчиларининг муқобилларини топишга шошилишмоқда. Назарий жиҳатдан, уларнинг йўқлиги Марокаш, Эрон ёки ҳатто Испания маҳсулотлари  (агар сифатли маҳсулотлар ҳақида сўз борадиган бўлса) билан алмаштирилиши мумкин. Лекин бу ҳолатда ҳам Туркия импорт қилинадиган помидорнинг тўлиқ компенсацияси ҳақида гапириб бўлмайди, чунки бу мамлакатларда помидорнинг айни пайтда зарур ҳажми шунчаки йўқ бўлиши мумкин. Шу сабабли, келгуси ҳафта охирига бориб, Туркия помидори импортига боғлиқ мамлакатлар бозорларида ушбу маҳсулот йўқлиги фонида нархларнинг кескин ошишини кутиш мумкин ва бу ерда ягона чекловчи омил Туркия Қишлоқ ва ўрмон хўжалиги вазирлигининг қарорида кўрсатилган истиснолар бўлиши мумкин.

Шундай қилиб, Шимолий Кипр, Фаластин ва Озарбайжонга экспорт чекланмайди ва истиснолар рўйхатида охиргисининг мавжудлиги Туркия минтақавий иссиқхона помидори бозоридан бутунлай чиқиб кетмайди, деган хулосага келиш имконини беради. Табиийки, биз ўн минглаб тонна маҳсулотларни реэкспорт қилиш ҳақида гапирмаяпмиз, чунки Туркиянинг ўзида ҳам иссиқхона помидорлари тақчиллиги сезиляпти.

Шунга қарамай, Озарбайжон орқали маълум миқдорда реэкспорт  имкониятини истисно этиб бўлмайди, чунки ушбу мамлакат бошқа қўшни давлат – Эрондан сабзавот ва меваларнинг йирик реэкспортёри ҳисобланади.

EastFruit

Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.

Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!

Бу сизга ҳам қизиқ бўлиши мумкин

Турк лирасининг қулаши: Туркиядан импорт қилинадиган мевалар оқими ортиши кутилмоқда

EastFruit

Ўзбекистон қишлоқ хўжалиги маҳсулотлари Малайзия импортёрларида қизиқиш уйғотмоқда

EastFruit

Ўзбекистонда тарвуз нархи бир ҳафта ичида 33 фоизга пасайган

EastFruit

Шарҳлар қолдиришингиз мумкин