Бош саҳифаЯнгиликларКартошканинг Туркиядан келтирилган янги навлари Ўзбекистонда синовдан ўтказилади
Долзарб Махсус Янгиликлар

Картошканинг Туркиядан келтирилган янги навлари Ўзбекистонда синовдан ўтказилади

Туркиянинг ҳамкорлик ва мувофиқлаштириш агентлиги (ТИКA) Ўзбекистонда картошкачиликни янада ривожлантириш бўйича техник кўмак лойиҳаси доирасида мамлакатимизга қишлоқ хўжалиги техникаси ва картошканинг янги 5 та навини етказиб берди. Тақдимотда ТИКAнинг Ўзбекистондаги ваколатхонаси раҳбари Джемалетдин Туней иштирок этди, дея хабар бермоқда Қишлоқ хўжалиги вазирлиги матбуот хизмати.

Aйтиш керакки, мазкур лойиҳа Ўзбекистон ва Туркия ўртасидаги ҳамкорлик доирасида ишлаб чиқилган.

Ўзбекистон Республикаси Қишлоқ хўжалиги вазирлиги ҳузуридаги Сабзавот, полиз екинлари ва картошкачилик илмий-тадқиқот институтига илмий мақсадларда «Leventbey», «Onaran-2015», «Nahita», «Nigsah», «Alegria» навларидаги картошка уруғлари тақдим қилинди. Улар институтнинг Тошкент, Aндижон, Самарқанд ва Қашқадарё илмий-тажриба стансияларида замонавий технологиялар асосида ҳудудларнинг турли тупроқ-иқлим шароитларида синовдан ўтказилади.

Шунингдек, мазкур институтга Туркиядан қуйидаги қишлоқ хўжалиги техникаси ҳам етказиб берилди:

– картошка йиғиш машинаси,

– картошка экиш машинаси,

– картошка ўсимлиги атрофига тупроқ уйиш ва эгатларни юмшатиш машинаси,

– ўғитлаш машинаси,

– ёмғирлатиб озиқлантириш машиналари.

Жорий йил апрель ойининг бошида Сабзавот, полиз экинлари ва картошкачилик илмий-тадқиқот институти мутахассислари картошкачилик соҳасига замонавий технологияларни жорий этиш бўйича бир қатор илмий изланишларни олиб бораётгани ҳақида маълумот берган эдик. Бундай ёндашув картошкани маҳаллий шароитга мослаштириш жараёнини фаоллаштиришга имкон беради. Институт олимлари томонидан ҳар бир ҳудуднинг тупроқ-иқлим шароитига мос келадиган, касалликка, иссиққа, қурғоқчиликка чидамли эртаки, ўртаки ва кечки юқори ҳосил берадиган картошка навларини яратишга алоҳида эътибор берилмоқда.

EastFruit

Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.

Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!

Бу сизга ҳам қизиқ бўлиши мумкин

Фитосанитар мулоқот: ШҲТ давлатлари ўсимликлар карантини тўғрисидаги битим лойиҳасини маъқуллади

EastFruit

Туркияда гилоснинг эртаги навлари ҳосилини йиғиб олишга киришилди

EastFruit

Ready4Тradе лойиҳаси – Марказий Осиё мамлакатларининг савдо-сотиқни соддалаштириш борасидаги ҳамкорлиги

EastFruit

Шарҳлар қолдиришингиз мумкин