Туркия январь-июнь ойларида жаҳоннинг 93 мамлакатига янчилган қизил қалампир етказиб берди.
Ушбу турдаги зиравор Туркиядан Германия, Нидерландия, Буюк Британия, Ироқ, АҚШ, Франция, Россия, БАА, Нигер, Того, Куба, Малайзия, Япония, Канада, Уммон, Иордания, Экваториал Гвинея, Миср, Мальта, Кения каби мамлакатлар бозорларига борган.
Жануби-Шарқий Анадўлу экспортёрлари иттифоқи (GAIB)нинг «Анадолу» ахборот агентлигига берган маълумотига кўра, 2021 йилда Туркиядан янчилган қизил қалампир экспорти 9,2 миллион долларни ташкил этган.
2021 йилнинг январь-июнь ойларида Туркия ушбу зираворнинг 4,7 миллион доллар қийматидаги 1,9 минг тоннасини экспорт қилган бўлса, 2022 йилнинг шу даврида 4,9 миллион долларлик 2,2 минг тонна янчилган қизил қалампир экспорт қилинган.
Германия январь-июнь ойларида Туркиядан янчилган қизил қалампирнинг асосий импортёрига айланди. Экспорт ҳажми 1,2 миллион долларни ташкил этди.
ТОП-3 импортёрлар қаторига Нидерландия (674 минг доллар) ва Буюк Британия (623 минг доллар) ҳам кирди.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
