Илгари хориждан нок импорт қилинган Польшада иқлим исиши туфайли тобора кўпроқ нок етиштирилиб, ушбу маҳсулот хориждан камроқ сотиб олинмоқда.
Бу ҳақида Нидерландиянинг Fruitpartners Blom экспортёр-компанияси вакили Аарт Блом FreshPlaza нашрига берган интервьюсида айтиб ўтди.
“Биз нокларимизнинг асосий қисмини экспорт қиламиз. Польша тобора кўпроқ нок етиштирмоқда. Иқлим туфайли бу иш хатарли экани доим айтилар эди, аммо қаттиқ совуқлар энди у қадар кўп хавф туғдирмаяпти, шу боис, нок етиштириш тобора муваффақиятли бизнесга айланиб бормоқда. Аввалги йилларда Польша нокларимизни сотиб олган эди, аммо ҳозир деярли йўқ”, дейди у.
Бироқ экспортёр жорий олма ва нок мавсумининг истиқболларига оптимистик баҳо берди, деб ёзмоқда АgroTimes.
“Мен инфляция олма ва нок савдосига ижобий таъсир кўрсатишини кутмоқдаман. Одатда, одамларнинг ҳашамат рамзига айланган товарлардан кўра «асосий мевалар»ни сотиб олиши эҳтимоли кўпроқ, аммо савдо ақл бовар қилмас даражада юқори ҳам эмас«, дея ўз фикрлари билан ўртоқлашди Аарт Блом.
55-65 калибрли нок 0,60 евро/кгдан, каттароқлари 0,80 евро/кг дан 0,90 евро/кг гача сотилмоқда.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
