Бош саҳифаЯнгиликларТуркия компанияси Қозоғистоннинг Жамбил вилоятида мева етиштириш ва қайта ишлашга 92 миллион доллар сармоя киритмоқда
Янгиликлар

Туркия компанияси Қозоғистоннинг Жамбил вилоятида мева етиштириш ва қайта ишлашга 92 миллион доллар сармоя киритмоқда

Туркиянинг Göknur Gıda компанияси Жамбил вилоятида 5 минг гектардан зиёд майдонда интенсив боғлар барпо этишни ва мева-сабзавотни қайта ишлаш заводи қуришни режалаштирмоқда. Корпорация директори Усмон Асланали вилоят ҳокими Бердибек Сапарбаев билан лойиҳанинг амалга оширилишини муҳокама қилди, дея шаҳар ҳокими матбуот хизматига таяниб хабар бермоқда ElDala.kz.

Усмон Асланали айтганидек, лойиҳа беш йил давомида бир неча босқичда амалга оширилади. Инвесторлар минтақада ишлаб чиқарилган маҳсулотларни ички бозорда ва чет элда сотишни режалаштирмоқда. Лойиҳанинг қиймати 92 миллион долларни ташкил этади, унинг доирасида маҳаллий ишчилар жалб қилинадиган 1000 та иш ўрни яратиш режалаштирилган.

Шунингдек ўқинг: 2021 йилда Қозоғистон агросаноат мажмуасида 285 та инвестиция лойиҳалари амалга оширилади

– Компаниямиз мева-сабзавот маҳсулотларини ишлаб чиқариш ва қайта ишлашга йўналтирилган. Бунинг учун биз замонавий қишлоқ хўжалиги технологияларидан фойдаланган ҳолда маҳаллий фермерларни ўқитишдан бошлаб интенсив боғларни яратишни ўз ичига қамраб оладиган интеграциялашган моделни яратмоқчимиз. – дейди инвестор.

Туркия компаниясига юқори маҳсулдор мевали боғларни етиштириш мумкин бўлган ерлар таклиф этилди. Мазкур ерлар Жамбилда 2,5 минг гектар, Т. Рисқуловада 470 гектар, Жуалинскда 5 минг гектар ва Сарису вилоятида 1200 гектарни ташкил этади. Чет эл агрономлари тупроқни яроқлилигини синовдан ўтказади.

«Озиқ-овқат маҳсулотларини ишлаб чиқариш устувор вазифамиз ҳисобланади. Бизнинг бозорларда Покистон, Афғонистон, Туркия маҳсулотлари етакчилик қилади, яъни маҳаллий сабзавотлар ва мевалар жуда кам. Бу эса маҳсулотлар нархига таъсир қилади. Интенсив боғлар яратиш учун майдонни кенгайтиришимиз керак. Қишлоқ хўжалиги ишлаб чиқарувчиларига ҳар томонлама давлат кўмаги, шу жумладан инвестиция субсидиялари, имтиёзли кредитлар берилади. Жамбил вилояти юқори қишлоқ хўжалиги салоҳиятига эга. Ушбу ҳудуд қишлоқ хўжалиги замонавий технологияларни қўллаш орқали ривожланиши шубҳасиз. Минтақадаги асосий муаммолардан бири бу қишлоқ хўжалиги маҳсулотларини қайта ишлашнинг ривожланмаганлигидир. Қишлоқ хўжалиги маҳаллий иқтисодиётнинг драйверига айланиши учун биз ер ажратиш ва инфратузилмани барпо этишга кўмаклашамиз», – дейди Бердибек Сапарбаев.

Бугунги кунда Жамбил вилоятида олма боғларининг майдони 1623 гектарни ташкил этади, шундан 1445 гектари интенсив олма боғларидир. Интенсив гилос боғлари эса 100 гектарни эгаллаган.

EastFruit

Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.

Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!

Бу сизга ҳам қизиқ бўлиши мумкин

2020/2021-мавсум: жаҳон бўйича хўраки узум етиштириш 24 миллион тоннадан ошди

EastFruit

2021 йилнинг январь-май ойларида Ўзбекистон мева-сабзавот экспортини қисқартирди

EastFruit

Данакли мевалар шаршараси: гилос, олхўри, ўрик, шафтоли – супермаркетларнинг мева-сабзавот бўлими учун дизайн ғоялари (фото)

EastFruit

Шарҳлар қолдиришингиз мумкин