Иссиқхонада сабзавот етиштириш Россия Федерациясида энг фаол ривожланаётган сегментлардан биридир. Йил бошидан бери қишки иссиқхоналарда сабзавот ва кўкатлар етиштириш 8 фоизга ошди.
2021 йилнинг 22 июнь ҳолатига кўра, 742,2 минг тонна маҳсулот йиғиб олинди, шу жумладан, бодринг – 458,8 минг тонна (+ 0,5%), помидор – 267,7 минг тонна (+ 21,5%).
Россия Федерацияси Қишлоқ хўжалиги вазирлигининг маълумотларига кўра, иссиқхона маҳсулотларини етиштириш бўйича етакчи минтақалар ўнталигига Липецк, Москва, Волгоград, Калуга, Новосибирск вилоятлари, Краснодар ва Ставрополь ўлкалари, Карачаево-Черкессия, Татаристон ва Бошқирдистон киради.
Шунингдек ўқинг: Россияда картошканинг янги ҳосили нархи тушди
Юқори маҳсулдор навлар ва замонавий технологиялардан фойдаланган ҳолда тармоқ корхоналари ҳар йили ички бозорнинг янги сабзавот маҳсулотлари билан ўзини- ўзи таъминлаш даражасини оширади. Қишлоқ хўжалиги вазирлиги жорий йилда ишлаб чиқаришнинг ижобий динамикаси давом этишини кутмоқда – прогнозга кўра, қишки иссиқхоналарда ҳосил 1,4 миллион тоннадан ошади.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
