Қозоғистон пиёз экспортига илгари жорий қилинган таъқиқни бекор қилиб, ушбу сабзавот экспортига квота жорий қилиши мумкин. Илгарироқ фермерлар мавжуд захирани ички бозорда сотиб тугата олмаслиги, пиёзнинг бир қисми омборларда чириб кетиши эҳтимоли юқорилигини айтиб, экспортга таъқиқни бекор қилишни сўраган эди.
Қозоғистон Республикаси Қишлоқ хўжалиги вазирлиги иккита қарор лойиҳасини эълон қилди. Бири пиёз экспортига жорий таъқиқни бекор қилиш ҳақида бўлса, иккинчиси 2023 йилнинг 28 апрелига қадар ушбу маҳсулот экспортига миқдорий чекловлар жорий қилиш ҳақида, деб хабар бермоқда ElDala.kz.
Қозоғистон Республикаси ҳудудидан ЕОИИ ва бошқа мамлакатларга пиёз экспортига миқдорий чеклов (квота)лар 20 минг тонна миқдорида режалаштирилган. Ушбу қарорнинг жамоатчилик муҳокамаси 29 мартга қадар давом этади.
Эслатиб ўтамиз, Қозоғистонда 28 январдан эътиборан, пиёз экспортига уч ойлик муддатга таъқиқ жорий этилган эди.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
