Бош саҳифаЯнгиликларҚозоғистонда озиқ-овқат маҳсулотлари захиралари ва нархлари тўғрисидаги маълумотларни йиғиш учун ягона ахборот тизими яратилади
Янгиликлар

Қозоғистонда озиқ-овқат маҳсулотлари захиралари ва нархлари тўғрисидаги маълумотларни йиғиш учун ягона ахборот тизими яратилади

Қозоғистон Республикаси Савдо ва интеграция вазирлиги 24 та улгуржи тарқатув марказларини (УТМ) қуриш лойиҳасини самарасиз деб топди.  Бунинг ўрнига вазирлик асосий озиқ-овқат маҳсулотларининг захиралари ва нархлари тўғрисида оператив маълумот тўплаш учун барча тармоқлар, омборхоналар ва савдо объектларини бирлаштирувчи ахборот тизимини ишлаб чиқади. Мазкур маълумотни ElDala.kzга “Атамекен” миллий тадбиркорлар палатаси берди.

Ахборот тизими асосий турдаги маҳсулотларнинг экспорти ва импортига чекловлар жорий этиш зарурлиги тўғрисида пухта ўйланган қарорлар қабул қилиш имконини беради.

УТМ масаласи ишончли тарзда ёпилди, ҳукумат лойиҳани самарасиз деб ҳисоблади. Бу бизни қувонтиради, бу бизнинг ғалабамиз, бу бизни тинглаган мутахассислар, жамоатчилик фаоллари ва ҳукумат ўртасида мулоқот мавжудлигини кўрсатади.  Агар танқид, таҳлилий маълумотномалар, профессионал баҳолар бўлмаганида бу лойиҳа амалга ошириларди, қуриларди, аммо марказлар бўш қоларди, белгиланган мақсадга эришилмасди, самарасиз маҳсулот сифатида давлатга юк бўлиб қоларди”, дейди DALА-FRUIT компаниялар гуруҳи соҳиби Болатбек Нажиметдинули.

У УТМ қурилиши учун бюджетдан 200 миллиард тенге ажратиш режалаштирилганини қайд этди. Бизнес ушбу лойиҳанинг самарасизлигини кўрсатди.

«Атамекен» хабарига кўра, Маҳаллий инвесторлар кенгаши йиғилишида агросаноат мажмуасини ривожлантириш масалалари, жумладан, субсидиялаш муаммолари, шакар саноатини ривожлантиришнинг комплекс режаси муҳокама қилинган. Йиғилишда УТМ тармоғини барпо этиш масаласи ҳам кўтарилди.

«Қоғозда, умуман олганда, ҳаммаси кўрсатилган ва биз чуқурроқ кира бошлаганимизда, у ерда реал изоҳларни кўрмадик. Бугун мен яна шу лойиҳа масаласини кўтардим ва Савдо вазири ўринбосари УТМ масаласи муваффақиятли ёпилганини айтди”, деди Болатбек Нажиметдинули.

Савдо вазирлиги миллий товар тақсимлаш тизимини яратиш лойиҳасининг биринчи босқичи тўхтатилганини маълум қилди. Ҳозирги вақтда давлат органлари лойиҳани кўриб чиқмоқда ва манфаатдор инвесторларни жалб қилган ҳолда улгуржи тарқатув марказларини яратишнинг бир нечта муқобил сценарийларини кўриб чиқяпти. Хусусан, 15 та агрологистика маркази қурилиши лойиҳадан чиқариб ташланди.

EastFruit

Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.

Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!

Бу сизга ҳам қизиқ бўлиши мумкин

Ўзбекистон, Қозоғистон ва Тожикистон бу йил ҳам Европа Иттифоқига пиёз экспорт қиладими?

EastFruit

Қозоғистонда Хитой стандартлари бўйича сифат назорати лабораторияси ташкил этилади

EastFruit

Ақтўбе вилояти (Қозоғистон)даги сабзавот етиштирувчилар мавсумий ишчилар етишмовчилиги сабаб зарар кўрмоқда

EastFruit

Шарҳлар қолдиришингиз мумкин