Redwire корпорацияси Ердан ташқари боғдорчилик бўйича тадқиқотларни кучайтириш учун келаси йил баҳорида коинотда ўзининг биринчи тижорий иссиқхонасини ишга туширади. Бу ҳақида Reuters ахборот агентлиги ҳаволасига таяниб, “РБК-Украина” хабар бермоқда.
Redwire иссиқхонасининг лойиҳа менежери Дэйв Риднинг сўзларига кўра, космик инфратузилма компанияси лойиҳаси NASAнинг миссиялари учун Аrtemis ва бошқа лойиҳалар учун муҳим маълумотларни тақдим этади. Аrtemis дастури космонавтларни Ойга жўнатиш ва узоқ муддатли Ой колониясини ташкил этишни мақсад қилган.
Redwire компаниясининг биринчи мижози тижорат қишлоқ хўжалиги технологияси бўйича Dewey Scientific компанияси бўлиши айтилди. Янги лойиҳа инсониятнинг космосда экин етиштириш имкониятларини кенгайтириши керак.
Компаниянинг замонавий “космик” маҳсулотлари Халқаро космик станцияда тадқиқотлар ўтказиш учун тўлиқ автоматлаштирилган ўсимлик етиштириш тизимини ўз ичига олган.
Ушбу сайтдаги мақолаларни бошқа манбаларда чоп этиш ва улардан бошқа шаклларда фойдаланишга фақат мазкур материалга тўғридан-тўғри ва қидирув тизимлари учун очиқ бўлган гиперҳавола берилсагина рухсат этилади.
Facebook ва Telegram да мева-сабзавот бозорининг асосий янгиликлари ва таҳлиллар – Обуна бўлинг!
